| 輕鬆篇（其實應該說現實篇才對）想打，卻還未打，
今天收到朋友的信，喚我多打xanga，
多提近況，所以一口氣提起勁來k.o.掉它！
－－－
出院，出院，
話是這麼說，可是父又轉回北區的隔離病房，
這也没甚麼出奇，
不是因為父的病情反覆，
而是，公家醫院，正如大家所了解，一向「事事旦旦」，
我想有一天父因甚麼醫療事故而拜拜也是有可能的ＸＤ。
事實上，上次陪父做電腦掃瞄，
坐那陪非緊急救護車，
真的一點也不緊急，
小巴半小時內可到的車程，
它就是要一小時，
嘛，這也不能怪人家，
畢竟小巴一直以「奪命快速」見稱，
所以安全第一的救護車慢一點也是十分正常的。
其實我也還未說到重點，
在車途中，那架車在某屋村接了另一位病人，
那個病人昨天才出院，
今天便在家中暈倒，
又要送回醫院，
效率我已經不要求了，
質素我也有些懷問了。
在大埔醫院時，父的體重又回落了，
問之，他說這裡的伙食太差，
哈，看來假若他日我想快速減肥，
不用去必瘦站甚麼的，去大埔醫院就好了ＸＤ。
話說，送父到老人院，
最令人難過、悲痛的，
果然是－－老人院的收費啊！
私營的基本三千起錶，
父的情況再加千幾，
真是......請個菲傭看護也綽綽有餘，
以前因為經常做探訪老人院的義工，
到過的老人院當然不少，
套用倩的說法－－猶如OFFICE間隔的所謂「房間」也收這個價錢，
難怪人家說老人事務有望發展。
一直以來，因父的事，
收到不少朋友的支持和鼓勵，
雖然感謝，但其實在這我心情是有點複雜的，
基本上，我對父的心情也很複雜，
首先他即使康復，情況也不會好到那裡，
所以不用祝他早日康復了，
然後，呼，我必須深吸一口氣，
I want to be true to myself,
and be true to my dear friends too.
對我來說，最好的結局是他快點早登極樂，
早死早安樂，遲死訓唔著ＸＤ
我不是開玩笑的哦～
看到他這樣我難過，
希望他能過得舒適點，
但同時我亦希望他早點死，
反正我一直也不喜歡他，
對他的傷感，
還不如因我對他所抱的想法矛盾、掙扎，
來得使我煩惱和不知所措，
想得太多...逃避去想...
我已經没有了方向，在各方面。
|
| |
| 注意！
以下內容十分庸，而且俗，
並且有強烈怨念，
請小心食用，多謝合作。
－－－－－－－
情侶！
N年前，我知道左一個叫做「去死去死團」既野，
（阿妹我相信你唔知呢舊係咩，
請自助上網查下，不過唔查或者更好......）
唔知而家仲有無呢？
我發覺我實在好適合加入。
話說......
好日都唔出下街，
今日難得係一星期一次，出去補下習啫，
竟然俾我見到一對鬼死咁眼冤既情侶，
補習時坐正我面前，
真係好心佢地坐第一行就唔好咁癡纏啦！
又要拖手，又要摸大脾，又要挨膊頭，又要插人地個杉袋，仲要攬腰......
佢地究竟係補緊習定拍緊拖啊？
就算想慳啲時間，同時進行，雙面發展，（喂！）
都唔好坐咁前啊，
坐後啲，你地點搞我都唔會理！
隨著時間流逝，佢地愈見親暱，
我心中當然咩魚蝦蟹都出哂黎，
我真係......有衝動拎起隔離張凳車落去......
（好啦，我認我係八卦又多事，
但係佢地實在太引人注目啦！
攪到我無心機上堂！！！）
而且......
其實佢地兩個都係女仔黎＝口＝
另外，又有一對情侶。
喺巴士上，我坐喺佢地前面，
男既問：「諗好要咩生日禮物未？」
女：「冷氣機。」
真係幾現實......
定係我應該讚佢真係夠實用呢？
|
| |
| 本來打算今日都唔開電腦，
呢排頹到連電腦都懶得開（喂！），
但係同倩講開阿爸既事，
收線之後，自己又再諗，搞到好感觸，
忍唔住要打返兩手。
＝＝＝＝＝＝＝＝
昨天終於跟爸爸說了，
我和姐打算他出院後，會送他進老人院。
在心裏猶豫了一會，
這句話實在不知該如何說出口，
那是一句如何殘忍的說話啊！
整理一下心情， 決定速戰速決，
拖得愈久，更說不出口。
我記得當時自己的聲音是極輕柔的，
與其說那是打算說服他，
倒不如說那是安撫自己的手法，
假裝心中是平靜的。
正好之前他跟我說，
「住院像在坐牢」，
現在我就要宣告他，
出牢，也只是搬進另一個牢籠而已。
這裡可能真的像是個監牢，
可是真正鎖著你的，
是那個年老衰弱的身體，你知道嗎？爸爸。
雖然我腦中想到的是這句話，
但這句話實在太不仁了。
他並不情願－－這是我所能預知的，
可是他接著的話，
卻使我無法言語了。
他說：「住老人院，就買唔到餸，煮飯比你食啦！」
我真的呆住了，
這些日子來，難道他想著的是這些事？
難道他不知道他已經無法再......
離開醫院時，我的心情是挺難過的，
看向車窗外，無法制止腦海中混雜的思緒。
今天，碰巧跟倩聊到父的事，
然後，我想假如我是他，
我又會有甚麼感覺呢？
幻想還不到一分鐘，我已經想落淚了，
真的會有置身在監牢的感覺啊......
希望事情會好起來。
|
| |
| 個人dry啫，估唔到連粒飛滋都蝦我......
好耐都無生飛滋，
諗住唔理佢，自己都會好，
佢就係生命力頑強，
差唔多成個禮拜都唔謝，
死死地氣諗下支飛滋藥塞左喺邊鬼度。
......
有一刹那諗起舅父，
好想問下佢有無見過支藥，
只有一刹那啦.......
姐姐真係講得好啱，
多個人，擺喺屋企都好，
又有一刹那，
有啲掛住阿爸。
|
| |
| 突然覺得，我的生活和近期的天氣一樣，很dry......
－－－
有位朋友問我最近過得如何，
（其實是起碼一星期前問的|||orz)
可是我一直没有動力聯絡他，
反正我的生活也没甚麼值得說吧......
|
| |
